ആലത്തൂര്‍: ദാഹജലം വീടുകളിലേയ്ക്ക് എത്തിക്കുകയാണ് സി പി.എം കാവശ്ശേരി ചുണ്ടക്കാട് ബ്രാഞ്ച് കമ്മിറ്റി. ജലാശയങ്ങളെല്ലാം വറ്റിവരളുകയും കുടിവെള്ള വിതരണ സംവിധാനങ്ങള്‍  താറുമാറായ സാഹചര്യത്തിലാണ് പെട്ടിഓട്ടോയില്‍ ടാങ്കില്‍ വെള്ളം കയറ്റി വീടുകളിലേക്ക് എത്തിക്കുന്നത്. പഞ്ചായത്ത് കിണറുകളില്‍നിന്ന് 1000 ലിറ്ററിന്റെ  പ്ലാസ്റ്റിക് ടാങ്കുകളില്‍ വെള്ളം ശേഖരിച്ചാണ് വിതരണം.
150 ഓളം വീടുകളില്‍ നേരിട്ടെത്തി  ചെയ്യുന്ന ഈ ശ്രമദാനം വളരെയധികം ഉപകാരപ്രദമാണെന്നും വീട്ടമ്മമാര്‍ പറയുന്നു. കാവശ്ശേരി പഞ്ചായത്തില്‍ ഏറ്റവും കൂടുതല്‍ കുടിവെള്ള ക്ഷാമം നേരിടുന്ന പ്രദേശമാണ് ചുണ്ടക്കാട്.
ഈ പ്രദേശത്തിലെ പ്രിയദര്‍ശിനി ക്ലബ്ബ് പരിസരം, തീപ്പെട്ടി കമ്പനി, പുഴയ്ക്കല്‍ എന്നിവിടങ്ങളിലാണ് ഇന്നലെ കുടിവെള്ള വിതരണം നടത്തിയത്.