പാലക്കാട് : നഗരഗ്രാമാസൂത്രണ വകുപ്പിലെ മുഖ്യനഗരാസൂത്രകന്റെ തിരുവനന്തപുരം കാര്യാലയത്തില്‍ ഏപ്രില്‍ ആറിന് രാവിലെ 10 മുതല്‍ വൈകീട്ട് നാല് വരെ ഫയല്‍ അദാലത്ത് നടത്തുന്നു. തദ്ദേശ സ്വയംഭരണ വകുപ്പ് മന്ത്രി ഡോ: കെ.ടി ജലീലിന്റെ നേതൃത്വത്തില്‍ നടക്കുന്ന അദാലത്തില്‍ പ്രിന്‍സിപ്പല്‍ സെക്രട്ടറി റ്റി.കെ.ജോസ്, ചീഫ് ടൗണ്‍ പ്ലാനര്‍മാര്‍, പഞ്ചായത്ത് ഡയറക്ടര്‍, നഗരകാര്യ വകുപ്പ് ഡയറക്ടര്‍ എന്നിവര്‍ പങ്കെടുക്കും. 2017 ജനുവരി 31ന് മുന്‍പ് മുഖ്യനഗരാസൂത്രകന്റെ കാര്യാലയത്തില്‍ ലഭിച്ചിട്ടുള്ളതും തീര്‍പ്പാക്കാത്തതുമായ അപേക്ഷകള്‍ സംബന്ധിച്ച് അദാലത്തില്‍ പരിഗണിക്കും.
പരാതികള്‍ മാര്‍ച്ച് 31ന് വൈകീട്ട് അഞ്ചിനകം ചീഫ് ടൗണ്‍ പ്ലാനര്‍ക്ക് ഇ-മെയില്‍ ആയോ തപാല്‍ വഴിയോ നേരിട്ടോ നല്‍കാം. മുഖ്യനഗരാസൂത്രകന്റെ കാര്യാലയം, രണ്ടാം നില, സ്വരാജ് ഭവന്‍, നന്തന്‍കോട്. കവടിയാര്‍ പി.ഒ, തിരുവനന്തപുരം-695 003 വിലാസത്തിലോ  രുേസലൃമഹമാ@ഴാമശഹ.രീാലോ അയയ്ക്കാം. അപേക്ഷയില്‍ വിഷയം വ്യക്തമായും പൂര്‍ണമായും രേഖപ്പെടുത്തണം. മുഖ്യനഗരാസൂത്രകന്റെ ഓഫീസിലെ ബന്ധപ്പെട്ട ഫയല്‍ നമ്പര്‍, മറ്റ് രേഖകള്‍ തുടങ്ങിയവയുണ്ടെങ്കില്‍ അതിന്റെ പകര്‍പ്പ് , അപേക്ഷകന്റെ വിലാസം, ഇ-മെയില്‍ ഐ.ഡി, മൊബൈല്‍ നമ്പര്‍ എന്നിവയും ഉള്‍പ്പെടുത്തണം.അപേക്ഷയ്ക്ക് മുകളില്‍ 'ഫയല്‍ അദാലത്ത് ഏപ്രില്‍ 2017 ' എന്ന് രേഖപ്പെടുത്തണം. സംശയങ്ങള്‍ക്ക് 0471 2721447 നമ്പറില്‍ ബന്ധപ്പെടാം. ീേംിുഹമിിശിഴ.സലൃമഹമ.ഴീ്.ശി ലും വിവരങ്ങള്‍ ലഭിക്കും.