ഉരുവച്ചാല്‍: വീടിനകത്തേക്ക് അതിഥിയായി വെള്ളി മൂങ്ങയെത്തി. പഴശ്ശിയിലെ ചേമ്പില്‍ ശശിയുടെ വീട്ടിലേക്കാണ് വെള്ളിമൂങ്ങ പറന്നെത്തിയത്. അപൂര്‍വ്വ ഇനത്തില്‍പ്പെട്ട വെളിമൂങ്ങയാണെന്ന് മനസിലാക്കി ഉടന്‍ വനംവകുപ്പ് ഉദ്യോഗസ്ഥരെ വിവരം അറിയിച്ചു. നിര്‍ദേശപ്രകാരം വീട്ടുകാര്‍ വെള്ളിമൂങ്ങയെ തുറന്നു വിട്ടു. കഴിഞ്ഞ ദിവസം വൈകുന്നേരമാണ് വെള്ളിമൂങ്ങ വീട്ടിലെത്തിയത്. അപ്രതീക്ഷിതമായി എത്തിയ വിരുന്നുകാരനെ കാണാന്‍ നിരവധി പേര്‍ വീട്ടിലെത്തി.