ചെറുപുഴ: ടാറിങ് പൂര്‍ത്തിയാക്കിയ ചെറുപുഴ പഞ്ചായത്തിലെ കാക്കേഞ്ചാല്‍-പടത്തടം-തട്ടുമ്മല്‍ റോഡ് പയ്യന്നൂര്‍ ബ്ലോക്ക് പഞ്ചായത്ത് പ്രസിഡന്റ് സി സത്യപാലന്‍ ഉദ്ഘാടനം ചെയ്തു. 800 മീറ്റര്‍ കൂടി ടാറിങ് നടത്തിയാല്‍ കാക്കേഞ്ചാല്‍ പടത്തടം തട്ടുമ്മല്‍ 3.5 കിലോമീറ്റര്‍ റോഡ് പൂര്‍ണമായും ഗതാഗത യോഗ്യമാകും.
കാക്കേഞ്ചാലില്‍ നിന്നു തട്ടുമ്മല്‍, ചെറുപാറ എന്നിവിടങ്ങളിലേയ്ക്കുള്ള എളുപ്പമാര്‍ഗമാണ് റോഡ്. ചെറുപുഴ പഞ്ചായത്ത് പ്രസിഡന്റ് ജമീല കോളയത്ത് അധ്യക്ഷയായി. എം.ടി.പി നൂറുദ്ദീന്‍, കെ. കോമളവല്ലി, വി. കൃഷ്ണന്‍, വി. രാജന്‍, ജയന്‍ പടത്തടം, എന്‍.എസ്. കുട്ടപ്പന്‍ സംസാരിച്ചു.