ബദിയടുക്ക: കര്‍ണാടക നിര്‍മിത വിദേശ മദ്യവുമായി മധ്യവയസ്‌കന്‍ അറസ്റ്റില്‍. ദേലമ്പാടി ബെള്ളിപ്പാടിയിലെ കുശലപ്പ ഗൗഡ(59)യാണു പിടിയിലായത്.
കഴിഞ്ഞ ദിവസം രാത്രിയിലാണ് ഇയാളെ മുള്ളേരിയ പഞ്ചിക്കല്‍ റോഡിലെ കൊട്ട്യാഡിയില്‍ ബദിയടുക്ക എക്‌സൈസ് റെയ്ഞ്ച് അസിസ്റ്റന്റ് ഇന്‍സ്‌പെക്ടര്‍ റെന്നി ഫെര്‍ണാണ്ടിസിന്റെ നേതൃത്വത്തിലുള്ള അന്വേഷണ സംഘം വാഹന പരിശോധന നടത്തുന്നതിനിടയില്‍ പിടികൂടിയത്.
പഞ്ചിക്കല്‍ ഭാഗത്തു നിന്നു ജീപ്പ് നിര്‍ത്തി പരിശോധിച്ചപ്പോള്‍ ചാക്കില്‍ കെട്ടി വച്ച നിലയില്‍ 180 മില്ലിയുടെ 40 കുപ്പി വിദേശ മദ്യം കണ്ടെത്തുകയായിരുന്നു. ഉടന്‍ തന്നെ ഇയാളെയും ജീപ്പും ഇവര്‍ കസ്റ്റഡിയിലെടുത്തു. പ്രതിയെ റിമാന്‍ഡ് ചെയ്തു.