കാസര്‍കോട്: കെ.എം.സി.സി കമ്മിറ്റികള്‍ നടത്തുന്ന ജീവകാരുണ്യ പ്രവര്‍ത്തനം മാതൃകാപരമെന്ന് യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍. ദമാം ഈസ്റ്റേണ്‍ പ്രൊവിന്‍സ് ജില്ലാ കെ.എം.സി.സി കാസര്‍കോട് ചാലയില്‍ നിര്‍മിച്ച ബൈത്തുറഹ്മയുടെ താക്കോല്‍ വാര്‍ഡ് മുസ്‌ലിം ലീഗ് കമ്മിറ്റിക്കു സമര്‍പ്പിച്ചു സംസാരിക്കുകയായിരുന്നു അദ്ദേഹം. കാസര്‍കോട് ഹോട്ടല്‍ സിറ്റി ടവറില്‍ നടന്ന ചടങ്ങില്‍ ഖാസി മുഹമ്മദ് അധ്യക്ഷനായി.
ജില്ലാ ജനറല്‍ സെക്രട്ടറി എം.സി ഖമറുദ്ധീന്‍, ട്രഷറര്‍ എ.എം കടവത്ത്, എന്‍.എ നെല്ലിക്കുന്ന് എം.എല്‍.എ, സി.ടി അഹമ്മദലി, അബ്ദുല്‍ ഖാദര്‍, അബ്ദുല്ലക്കുഞ്ഞി, എല്‍.എ മഹമൂദ് ഹാജി, മൊയ്തീന്‍ കൊല്ലമ്പാടി, എ.കെ.എം. അഷറഫ്, അഷറഫ് എടനീര്‍, ടി.ഡി കബീര്‍ സംബന്ധിച്ചു.