വടകര: യുവാവിനെ ആക്രമിച്ച കേസില്‍ മൂന്നുപേരെ മൂന്നുവര്‍ഷം തടവിനും പതിനായിരം രൂപ വീതം പിഴയടക്കാനും ശിക്ഷിച്ചു.
വളയം വണ്ണാര്‍കണ്ടി പാലം സ്വദേശികളായ വാണിയം വീട്ടില്‍ ഗിരീഷ് (32), അടുക്കിലോട്ട് ബിനു (34), അടുക്കിലോട്ട് ബിനീഷ് (30) എന്നിവരെയാണ് വടകര അസിസ്റ്റന്റ് സെഷന്‍സ് കോടതി ശിക്ഷിച്ചത്. പിഴ അടച്ചില്ലെങ്കില്‍ ഏഴുമാസം കൂടി തടവ് അനുഭവിക്കണം.
2012 മാര്‍ച്ച് 31നാണ് കേസിനാസ്പദമായ സംഭവം. വളയം പൊന്നാരക്കണ്ടിയില്‍ ഷിജുവിനെ വീട്ടിനു മുന്‍വശത്തെ റോഡില്‍ ആക്രമിച്ചു പരുക്കേല്‍പ്പിച്ച കേസിലാണ് ശിക്ഷ.