മാനന്തവാടി: വിദ്യാര്‍ഥികള്‍ പീഡിപ്പിക്കപ്പെട്ട സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചു.
ജില്ലയിലെ ഒരു സ്‌കൂളിലെ രണ്ടും മൂന്നും ക്ലാസുകളില്‍ പഠിക്കുന്ന ഏഴും എട്ടും വയസുള്ള രണ്ടു വിദ്യാര്‍ഥിനികളും ഒരു വിദ്യാര്‍ഥിയുമാണ് പീഡനത്തിരയായതായാണ് പരാതി. കുട്ടികളെ കൗണ്‍സിലിങ്ങിന് വിധേയമാക്കിയ സ്‌കൂള്‍ അധികൃതരുടെ പരാതിയുടെ അടിസ്ഥാനത്തില്‍ തലപ്പുഴ പൊലിസ്  പോക്‌സോ ഉള്‍പ്പടെ മൂന്ന് കേസുകളാണ് രജിസ്റ്റര്‍ ചെയ്തിട്ടുള്ളത്. എന്നാല്‍ ഇവരെ പീഡിച്ചന്ന് ആരോപിക്കപ്പെടുന്നവര്‍ക്ക് പ്രായപൂര്‍ത്തിയായിട്ടില്ലെന്നാണ് സൂചന.
മാനന്തവാടി പൊലിസ് ഇന്‍സ്‌പെക്ടറുടെ ചുമതലയുള്ള പുല്‍പ്പള്ളി സി.ഐ അബ്ദുല്‍ ബഷീറിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.