കോവളം:  പനങ്ങോട് മുട്ടയ്ക്കാട് പത്താം  ക്ലാസ്  വിദ്യാര്‍ഥിനിയെ  പീഡിപ്പിക്കാന്‍ ശ്രമിച്ച കേസിലെ പ്രതിയെ കോവളം പൊലീസ്  കസ്റ്റഡിയിലെടുത്തു. പാലപ്പൂര് സ്വദേശി വിഷ്ണു (25) ആണ് പിടിയിലായത്.  
മൂന്ന് വര്‍ഷത്തിലധികമായി കുട്ടിയുടെ അമ്മയോടൊപ്പം കഴിഞ്ഞു വരുന്നയാളാണ്  പിടിയിലായ വിഷ്ണുവെന്ന് പൊലിസ് പറഞ്ഞു. ഇക്കഴിഞ്ഞ 18 ന്     വീട്ടില്‍ ആരുമില്ലാതിരുന്ന നേരത്ത്  ബലം പ്രയോഗിച്ച് കുട്ടിയെ   പീഡിപ്പിക്കാന്‍ ശ്രമിക്കുകയായിരുന്നു.ബഹളം കേട്ട്  അയല്‍വാസികളെത്തിയപ്പോള്‍  ഓടിരക്ഷപ്പെട്ട പ്രതി  ഒളിവില്‍ കഴിഞ്ഞു വരവെ ഇന്നലെ വൈകിട്ടേടെ തമ്പാനൂരില്‍  വെച്ച് പിടിയിലായി.
കുട്ടിയുടെ അമ്മയും  ബന്ധുക്കളും കോവളം പൊലിസില്‍ നല്‍കിയ  പരാതിയുടെ അടിസ്ഥാനത്തില്‍ വിഴിഞ്ഞം  സി.ഐ കെ.ആര്‍. ബിജുവിന്റെ നേതൃത്വത്തില്‍ കോവളം എസ്.ഐ അജയകമാര്‍ അടങ്ങിയ സംഘമാണ്  പ്രതിയെ പിടികൂടിയത്. ഇയാളെ ഇന്ന് കോടതിയില്‍ ഹാജരാക്കുമെന്ന്  എസ്.ഐ പറഞ്ഞു.