പൂക്കാട്ടുപടി: എസ്.കെ.എസ്.എസ്.എഫ് എറണാകുളം ജില്ലാ കമ്മിറ്റി തുടക്കം കുറിക്കുന്ന സ്‌നേഹതണല്‍ - പ്രവര്‍ത്തകനൊരു കൈത്താങ്ങ് പദ്ധതിയുടെ ഭാഗമായി സംഘടിപ്പിക്കുന്ന സ്‌നേഹസംഗമം ഇന്ന് മൂന്നിന് പൂക്കാട്ടുപടി മുകളാര്‍ റസിഡന്‍സില്‍ നടക്കും. സമസ്ത ജില്ലാ പ്രസിഡന്റ് ഐ.ബി ഉസ്മാന്‍ ഫൈസി ഉദ്ഘാടനം ചെയ്യും. കേന്ദ്ര മുശാവറ അംഗം ഇ.എസ് ഹസന്‍ ഫൈസി അധ്യക്ഷത വഹിക്കും .
എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ പ്രാര്‍ത്ഥന നിര്‍വഹിക്കും. സംഗമത്തില്‍ ജില്ലാ കമ്മിറ്റിയുടെ വെബ്‌സൈറ്റില്‍ ലോഞ്ചിങ് വി.കെ ഇബ്രാഹിംകുഞ്ഞ് എം.എല്‍.എ നിര്‍വഹിക്കും.
ജില്ലാ മദീനപാഷന്റെ പ്രചരണോദ്ഘാടനവും മുഖ്യപ്രഭാഷണവും സമസ്ത ജില്ലാ ജനറല്‍ സെക്രട്ടറിയും സ്‌നേഹതണല്‍ കണ്‍വീനറുമായ ഓണമ്പിള്ളി മുഹമ്മദ് ഫൈസി നിര്‍വഹിക്കും.
സ്‌നേഹതണല്‍ ചീഫ് കോര്‍ഡിനേറ്റര്‍ പദ്ധതി അവതരണം നടത്തും. സമസ്തയുടേയും പോഷക സംഘടനകളുടേയും സംസ്ഥാന ജില്ലാ നേതാക്കള്‍ ഉള്‍പ്പെടെ പ്രമുഖ വ്യക്തിത്വങ്ങള്‍ സംഗമത്തില്‍ പങ്കെടുക്കുമെന്ന് ജില്ലാ ജനറല്‍ സെക്രട്ടറി ഫൈസല്‍ കങ്ങരപ്പടി അറിയിച്ചു.