പാലാ : കെ.എസ്.ആര്‍.ടി.സി. ബസ് സ്റ്റേഷനില്‍ അടിസ്ഥാന സൗകര്യങ്ങള്‍ ഒരുക്കുന്നതില്‍ സ്ഥാപനങ്ങളും സംഘടനകളും സഹകരിക്കണമെന്ന് കെ.എം. മാണി എം.എല്‍.എ . പാലാ കെ.എസ്.ആര്‍.ടി.സി ബസ് സ്റ്റേഷനില്‍ എസ്.ബി.ടിയുടെ സഹകരണത്തോടെ സ്ഥാപിച്ച ഇരിപ്പിട സൗകര്യങ്ങള്‍ മാണി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബസ് സ്റ്റേഷനില്‍ നടന്ന ചടങ്ങില്‍ എസ്.ബി.ടി ഡി.ജി.എം വിനായ്ക് കൈസര്‍, മുനസിപ്പല്‍ കൗണ്‍സിലര്‍മാരായ ജോസി ജോസ് ഇടേട്ട്, ജോര്‍ജ്ജുകുട്ടി ചെറുവള്ളി, എ.ടി.ഒ വി. അനില്‍കുമാര്‍, വി.ജി. വിജയകുമാര്‍, ജിനു ജേക്കബ്, കെ.എം. സോമരാജന്‍, ഡോജി ജേക്കബ്, ടി.ജി. ബിനു, ആന്റണി വൈപ്പന സംസാരിച്ചു.