കാലടി: കൃഷി ഭവനില്‍ നിന്ന് പച്ചക്കറി വികസന പദ്ധതിയില്‍പെടുത്തി ജലസേചന ഡീസല്‍ പമ്പ്‌സെറ്റ്, കുറ്റിപമ്പ് മുതലായവ സബ്‌സിഡി നിരക്കില്‍ നല്‍കുന്നു. തരിശുനില പച്ചക്കറി കൃഷി, മഴമറകൃഷി, സ്‌കൂള്‍ പച്ചക്കറി കൃഷി എന്നിവക്കും സബ്‌സിഡി നല്‍കും.
സംസ്ഥാന ഹോര്‍ട്ടികള്‍ച്ചര്‍ മിഷന്‍ വഴി നടപ്പാകുന്ന ഈ കേന്ദ്ര പദ്ധതിയില്‍ മോട്ടോര്‍ പമ്പ് സെറ്റ്, ജലസേചനത്തിനുള്ള കുളം, സോളാര്‍ പമ്പ് സെറ്റ്, കുളങ്ങളുടെ പുനരുദ്ധാരണം, കുഴല്‍ കിണര്‍ എന്നിവക്കും പുരയിടങ്ങളില്‍ കരനെല്‍ കൃഷി ചെയ്യുന്നതിനും സബ്‌സിഡി നല്‍കുന്നു.
രജിസ്‌ട്രേഷന് അപേക്ഷ നല്‍കിയ കര്‍ഷകര്‍ അവരുടെ ആധാര്‍ കാര്‍ഡ്, ബാങ്ക് പാസ്ബുക്കിന്റെ കോപ്പി, പാസ്‌പോര്‍ട്ട് സൈസ് ഫോട്ടോ എന്നിവ കൃഷി ഭവനില്‍ എത്തിക്കണമെന്നും കൃഷി ഓഫിസര്‍ അറിയിച്ചു.