ആര്‍പ്പൂക്കര: കോട്ടയം മെഡിക്കല്‍ കോളജില്‍ സര്‍ക്കാരിന്റെ രണ്ടാം വാര്‍ഷികം പ്രമാണിച്ച് പൂര്‍ത്തികരിച്ച വിവിധ പദ്ധതികളുടെ ഉദ്ഘാടനം ഇന്ന് മൂന്നിന് മുഖ്യമന്തി പിണറായി വിജയന്‍ നിര്‍വഹിക്കും. പുതിയ അത്യാഹിത വിഭാഗം, ആര്‍ദ്രം പദ്ധതിയുടെ ഭാഗമായുള്ള ഗൈനക്കോളജി ഒ .പി., നെഫ്രോളജി വിഭാഗത്തിന് അത്യാധുനിക ഡ്യൂവല്‍ മോഡുലാര്‍ ട്രാന്‍സ് പ്ലാന്റ് തിയറ്റര്‍, ഹീമോഫീലിയ വാര്‍ഡ് പുതിയ മോര്‍ച്ചറി ബ്ലോക്ക്, ഗൈനക്കോളജി വിഭാഗത്തില്‍ 24 മണിക്കൂറും പ്രവര്‍ത്തിക്കുന്ന ലാബ്, ഹെല്‍ത്ത് എജ്യൂക്കേഷന്‍ സെന്റര്‍, കൂട്ടിരിപ്പുകാര്‍ക്കുള്ള വിശ്രമസ്ഥലം എന്നിവയുടെ ഉദ്ഘാടനവും, കാന്‍സര്‍ വിഭാഗത്തിലെ പുതിയ ലീനിയര്‍ ആക്‌സിലറേറ്ററിന്റെ ശിലാസ്ഥാപനവുമാണ് തുറന്നു കൊടുക്കുക.
ആരോഗ്യ മന്ത്രി കെ.കെ ശൈലജ അധ്യക്ഷയാകും. മന്ത്രിമാരായ ജി.സുധാകരന്‍, കെ.രാജു ജോസ് കെ. മാണി എം.പി, എം.എല്‍.എമാരായ,കെ.സുരേഷ് കുറുപ്പ്, തിരുവഞ്ചൂര്‍ രാധാകൃഷ്ണന്‍ എന്നിവര്‍ മുഖ്യ പ്രഭാഷണം നടത്തും.