ശ്രീനഗര്‍: കശ്മിരില്‍ നുഴഞ്ഞുകയറാന്‍ ശ്രമച്ച അഞ്ച് ഭീകരരെ സൈന്യം വധിച്ചു. കുപ്പ്‌വാര ജില്ലയിലെ താങ്ധര്‍ സെക്ടറിലെ നിയനന്ത്രണാതിര്‍ത്തിയിലാണ് സംഭവം. നുഴഞ്ഞുകയറുന്നതിനിടെയാണ് അഞ്ച് പേരു കൊല്ലപ്പെട്ടതെന്ന് പ്രതിരോധ മന്ത്രാലയ വക്താവ് കൊളോനല്‍ രാജേഷ് കലയ പറഞ്ഞു.
അതിര്‍ത്തിയില്‍ റമദാനോടനുബന്ധിച്ച് കേന്ദ്ര സര്‍ക്കാര്‍ വെടിനിര്‍ത്തല്‍ പ്രഖ്യാപിച്ചതിന് ശേഷമുള്ള ആദ്യ നുഴഞ്ഞുകയറ്റമാണിത്. നുഴഞ്ഞുകയറാന്‍ ശ്രമിച്ച ഭീകരെ കണ്ടെത്തിയ സൈന്യം വെടിയുതിര്‍ക്കുകയായിരുന്നു. സംഭവത്തിന്റെ പശ്ചാത്തലത്തില്‍ മേഖലയില്‍ സുരക്ഷ ശക്തമാക്കി