പെരിയ: പെരിയ മഹാത്മാ മോഡല്‍ ബഡ്‌സ് സ്‌കൂളില്‍ നടക്കുന്ന കുട നിര്‍മാണത്തിന്റെ ഉദ്ഘാടനം കെ കുഞ്ഞിരാമന്‍ എം.എല്‍.എ നിര്‍വഹിച്ചു. എന്‍ഡോ സള്‍ഫാന്‍ ദുരിതബാധിതരായ കുട്ടികള്‍ പഠനം നടത്തുന്ന ഈ സ്‌കൂളില്‍ മുന്‍വര്‍ഷങ്ങളിലും കുട നിര്‍മാണം നടന്നിരുന്നു.
കുട്ടികളിലുള്ള കഴിവുകള്‍ പരിപോഷിപ്പിക്കുന്നതിനു വേണ്ടിയാണു സ്‌കൂളില്‍ നാലു വര്‍ഷം മുമ്പ് കുട നിര്‍മാണം ആരംഭിച്ചത്. കുട നിര്‍മാണത്തിനുള്ള സാധനങ്ങള്‍ വിവിധ ഏജന്‍സികള്‍ ഇവിടെ എത്തിക്കുകയും നിര്‍മാണം നടത്തിയ കുടകള്‍ ഏജന്‍സികള്‍ കൊണ്ട് പോയി വില്‍പന നടത്തിയ ശേഷം ഇവര്‍ക്കുള്ള തുക കൊടുക്കുന്ന രീതിയുമാണ് മുന്‍വര്‍ഷങ്ങളില്‍ ഉണ്ടായിരുന്നത്.
ചടങ്ങില്‍ പുല്ലൂര്‍ പെരിയ പഞ്ചായത്ത് പ്രസിഡന്റ് ശാരദാ എസ് നായര്‍ അധ്യക്ഷയായി.
മുന്‍ പഞ്ചായത്ത് പ്രസിഡന്റ് സി.കെ അരവിന്ദാക്ഷന്‍, പി.ടി.എ പ്രസിഡന്റ് മുസ്തഫ പാറപ്പള്ളി തുടങ്ങിയവര്‍ ചടങ്ങില്‍ സംസാരിച്ചു.