കോട്ടയം: ജില്ലയിലെ മുഴുവന്‍ അയല്‍ക്കൂട്ടങ്ങളെയും ഉള്‍പ്പെടുത്തി കുടുംബശ്രീ കൂട്ടായ്മയിലൂടെ കാര്‍ഷിക പുനരാവിഷ്‌ക്കരണം നടത്തുന്നതിന് ക്യാംപയിന്‍ ആരംഭിക്കുന്നു. ശുദ്ധജലം, മാലിന്യസംസ്‌ക്കരണം, വൃത്തിയുളള പരിസരം, നല്ല ജീവിതശൈലി, നല്ല ആരോഗ്യം, എന്നിവ അടിസ്ഥാനമാക്കി പഞ്ചശീല കാര്‍ഷീക ആരോഗ്യ സംസ്‌കാരം വളര്‍ത്തുകയാണ് ലക്ഷ്യം. ഇതുമായി ബന്ധപ്പെട്ട യോഗം ജൂലൈ നാല് ഉച്ചയക്ക് 12 മണിക്ക് കളക്‌ട്രേറ്റില്‍ ചേരുമെന്ന് ജില്ലാ കലക്ടര്‍ സ്വാഗത് ഭണ്ഡാരി അറിയിച്ചു.