മട്ടന്നൂര്‍: പരിയാരം ഹസന്‍മുക്കില്‍ യൂത്ത് ലീഗ് പ്രവര്‍ത്തകനു മര്‍ദനമേറ്റു. പരിയാരം ഹസന്‍ മുക്കില്‍ അനീസി(26)നാണ് പരുക്കേറ്റത്. ഇന്നലെ രാത്രി 7.30നാണ് സംഭവം. ജോലി കഴിഞ്ഞ് വരികയായിരുന്ന അനിസിനെ പരിയാരം ബേരത്ത് വച്ച് സി.പി.എം പ്രവര്‍ത്തകര്‍ വളഞ്ഞിട്ട് മര്‍ദിക്കുകയായിരുന്നെന്നാണ് പരാതി. പരുക്കേറ്റ അനീസിനെ മട്ടന്നൂര്‍ ഗവ. ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം പരിയാരത്ത് സ്ഥാപിച്ച മുസ്‌ലിംലീഗ് കൊടിമരം സി.പി.എം പ്രവര്‍ത്തകര്‍  നശിപ്പിച്ചിരുന്നു. ഇവര്‍ക്കെതിരേ പൊലിസില്‍ പരാതി നല്‍കിയിരുന്നു. ഇതിന് പിന്നാലെയാണ് അക്രമം നടന്നത്. സംഭവത്തില്‍ പരിയാരം ശാഖാ മുസ്‌ലിംലിഗ് കമ്മിറ്റി പ്രതിഷേധിച്ചു.