കല്‍പ്പറ്റ: സി.ബി.എസ്.ഇ 12-ാം ക്ലാസ് പരീക്ഷയില്‍ ജില്ലയിലെ സ്‌കൂളുകള്‍ക്ക് മികച്ച വിജയം.
സുല്‍ത്താന്‍ ബത്തേരി ഡബ്ല്യു.എം.ഒ ഇംഗ്ലീഷ് സ്‌കൂള്‍ തുടര്‍ച്ചയായി ആറാം തവണയും നൂറുമേനി നേടി. കല്‍പ്പറ്റ കേന്ദ്രീയ വിദ്യാലയത്തിനും വിജയം നൂറുമേനിയാണ്. സുല്‍ത്താന്‍ ബത്തേരി ഡബ്ല്യു.എം.ഒ ഇംഗ്ലീഷ് സ്‌കൂളിലെ മുഹമ്മദ് അഫിന്‍ ഗഫൂറും, ഫാത്തിമ നൂഹയും സയന്‍സ് ഗ്രൂപ്പില്‍ ഉയര്‍ന്ന മാര്‍ക്കുകള്‍ നേടി. ഡബ്ല്യു.എം.ഒ ഇംഗ്ലീഷ് അക്കാദമി മുട്ടിലും ഇത്തവണ മികച്ച വിജയത്തിന് അര്‍ഹരായി. പരീക്ഷയെഴുതിയ 29 പേരില്‍ ഒരാളൊഴികെ മറ്റെല്ലാവരും ഉപരിപഠനത്തിന് അര്‍ഹത നേടി. ഇവിടെ രï് ഡിസ്റ്റിങ്ഷനും 17 ഫസ്റ്റ് ക്ലാസുകളുമാണ് വിദ്യാര്‍ഥികള്‍ നേടിയത്. ഡബ്ല്യു.എം.ഒയുടെ പഠനം നടത്തുന്ന 14 കുട്ടികളും ഇവിടെ നിന്ന് വിജയിച്ചവരില്‍ ഉള്‍പ്പെടും.
കേന്ദ്രീയ വിദ്യാലയത്തില്‍ 33 വിദ്യാര്‍ഥികളാണ് പരീക്ഷ എഴുതിയത്. ആദര്‍ശ് പി. മാത്യു, എം.എ അതുല്‍, കെവിന്‍ വര്‍ഗീസ്, മുരളീധരന്‍, പി.എസ് സംഗമിത്ര, സാം ജോര്‍ജ് മുഴുവന്‍ വിഷയങ്ങള്‍ക്കും എവണ്‍ ഗ്രേഡ് നേടി.
കല്‍പ്പറ്റ ഡിപോള്‍ സ്‌കൂളും മികച്ച വിജയം നേടി. 66 വിദ്യാര്‍ഥികള്‍ പരീക്ഷ എഴുതിയതില്‍ 12 പേര്‍ക്ക് 90 ശതമാനത്തില്‍ കൂടുതല്‍ മാര്‍ക്ക് ലഭിച്ചു. ജില്ലയില്‍ സയന്‍സ് വിഭാഗത്തില്‍ ഡിപോള്‍ സ്‌കൂള്‍ ഒന്നാമതായി. വയനാട് സഹോദയ സ്‌കൂളുകളില്‍ സയന്‍സ് വിഭാഗത്തില്‍ ഡിപോള്‍ സ്‌കൂളിലെ ആര്‍. വിവേക്, അക്ഷയ് ജ്യോജിന്‍, കൃഷ്ണവേണി കെ. രാഘവന്‍ യഥാക്രമം ഒന്നും രïും, മൂന്നും സ്ഥാനങ്ങള്‍ നേടി. മാനന്തവാടി ഹില്‍ബ്ലൂംസ് സ്‌കൂളില്‍ നിന്നും പരീക്ഷ എഴുതിയ 13 കുട്ടികളും ഫസ്റ്റ് ക്ലാസോടെ വിജയിച്ചു. ആറു കുട്ടികള്‍ 90 ശതമാനത്തിലധികവും നാല് പേര്‍ 85 ശതമാനത്തിലധികവും മാര്‍ക്ക് നേടി.