പെരുമ്പാവൂര്‍: മലയാള ചെറുകഥയ്ക്ക് ലോകനിലവാരമാണുളളതെന്ന് പ്രശസ്ത കഥാകൃത്തും സാഹിത്യ അക്കാഡമി അവാര്‍ഡ് ജേതാവുമായ തോമസ് ജോസഫ്.
കീഴില്ലം ഗ്രാമോദ്ധാരണ വായനശാല വായനവാരാചരണത്തോടനുബന്ധിച്ച് നടത്തിയ കഥാസായാഹ്നം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വയനശാല പ്രസിഡന്റ് ബിനു. പി.ആര്‍ അധ്യക്ഷത വഹിച്ച ചടങ്ങില്‍ സെക്രട്ടറി ജോതിഷ് കുമാര്‍, വാര്‍ഡ് മെമ്പര്‍ ശോഭന ഉണ്ണി തുടങ്ങിയവര്‍ സംസാരിച്ചു.
തുടര്‍ന്നു നടന്ന കഥയരങ്ങില്‍ സുരേഷ് കീഴില്ലം, സിരേഷ് പരിയാത്ത്, ബെന്നി സി. ദാനിയല്‍, എന്നിവര്‍ കഥകള്‍ അവതരിപ്പിച്ചു. ശാരി ശിവദാസ് കഥാ വിശകലനം നടത്തി.