കരുളായി: കരുളായി അഞ്ചാം വാര്‍ഡ് പാലക്കുന്ന് കോളനിയില്‍ കുടിവെള്ളം വിതരണം തുടങ്ങി. സ്വകാര്യ ബിസിനസ് ഗ്രൂപ്പിന്റെ സഹായത്തോടെയാണ് പൂക്കോട്ടുംപാടം പൊലിസാണ് കുടിവെള്ളം എത്തിക്കുന്നത്. ദിവസവും വൈകിട്ട് ലോറിയിലാണ് കോളനിക്കാര്‍ക്ക് ആവശ്യമായ വെള്ളം എത്തിക്കുന്നത്.
 പൂക്കോട്ടുംപാടം എസ്.ഐ അമൃതരംഗന്‍ വിതരോദ്ഘാടനം നിര്‍വഹിച്ചു. വാര്‍ഡംഗം കെ. മനോജ് അധ്യക്ഷനായി. രൂക്ഷമായ കുടിവെള്ള ക്ഷാമം നിലനില്‍ക്കുന്ന പ്രദേശമാണ് ഇത്. കോളനിയിലുള്ള ഏക കിണറും വേനലില്‍ വറ്റിവരണ്ട@ു കിടക്കുകയാണ്. മഴപെയ്ത് കിണറ്റില്‍ ആവശ്യത്തിന് വെള്ളം ആവുന്നതുവരെ കുടിവെള്ള വിതരണം തുടരും.