നിലമ്പൂര്‍: ആഢ്യന്‍പാറ വെള്ളച്ചാട്ടത്തിലെ പാറക്കുഴിയില്‍ വിദ്യാര്‍ഥികള്‍ വീണു. മുങ്ങിത്താഴ്ന്ന വിദാര്‍ഥികള്‍ക്കു രക്ഷരായത് ലൈഫ്ഗാര്‍ഡുകള്‍. ജില്ലയിലെ പ്രധാന ജലടൂറിസം കേന്ദ്രമായ ആഢ്യന്‍പാറ കാണാനെത്തിയ പരപ്പനങ്ങാടിയിലെ ആറു കോളജ് വിദ്യാര്‍ഥികളില്‍ പരപ്പനങ്ങാടി നെടുവ പാമ്പന്റകത്ത് മസ്ഹൂദാ (22) ണ് ആഢ്യന്‍പാറയ്ക്കു താഴെ മൂന്നാള്‍ ആഴത്തില്‍ വെള്ളമുള്ള കുഴിയിലേക്ക് ആദ്യം വീണത്.
ഉച്ചയക്ക് ഒന്നരയോടെയാണ് സംഭവം. നിലവിളി കേട്ടു സുഹൃത്തുക്കള്‍ രക്ഷിക്കാനായി കുഴിയിലേക്കു ചാടിയെങ്കിലും ഇവരും വെള്ളത്തിനടിയിലേക്കു താഴ്ന്നു. സമീപത്തുണ്ടായിരുന്ന ഡി.ടി.പി.സി ലൈഫ്ഗാര്‍ഡുമാരായ അരീക്കോട് ഓത്തുപള്ളിപ്പറമ്പില്‍ മഠത്തില്‍ സുഹൈല്‍, എം.സി കബീര്‍, പി. വിജയന്‍ എന്നിവര്‍ വെള്ളത്തിലേക്ക് എടുത്തുചാടി ഇവരെ രക്ഷപ്പെടുത്തുകയായിരുന്നു. വെള്ളം കുറവാണെങ്കിലും കുഴികളില്‍ വെള്ളം നിറഞ്ഞുനില്‍ക്കുകയാണ്. നടന്നുപോകുമ്പോള്‍ കാല്‍വഴുതിയും സന്ദര്‍ശകര്‍ കുഴയില്‍ വീഴാറുണ്ട്.