കരുളായി: വന്യമൃഗങ്ങള്‍ നാട്ടിലിറങ്ങുന്നതു തടയാന്‍ വനംവകുപ്പ് വനാതിര്‍ത്തിയിലെ ചീനിക്കുന്നില്‍ സ്ഥാപിച്ച കരിങ്കല്‍ഭിത്തി കാട്ടാന തകര്‍ത്തു. മതില്‍ തകര്‍ത്ത് ജനവാസ മേഖലയില്‍ കടന്ന ആന ചീനിക്കുന്ന്, ബാലങ്കുളം, ഒടുകുംപൊട്ടി തുടങ്ങിയ പ്രദേശങ്ങളില്‍ കൃഷി നശിപ്പിച്ചു. ഒരാഴ്ചയായി ഈ മേഖലയില്‍ തുടര്‍ച്ചയായി ആനയിറങ്ങുന്നതായി നാട്ടുകാര്‍ പറഞ്ഞു.
ചീനിക്കുന്നില്‍ രണ്ട@ു ദിവസം മുന്‍പ് ആന മതില്‍ തകര്‍ത്തിരുന്നു. ഇതു കൂടാതെ വെള്ളിയാഴ്ച രാത്രിയിലും വേറൊരിടത്ത് ആന മതില്‍ തകര്‍ത്തിരുന്നു. തകര്‍ത്ത മതില്‍ പുനര്‍നിര്‍മിച്ച് ആന ശല്യത്തിന് പരിഹാരം കാണണമെന്ന് നാട്ടുകാര്‍ ആവശ്യപ്പെട്ടു. കാടിറങ്ങിയെത്തുന്ന ആനകള്‍ ജീവനും സ്വത്തിനും ഭീഷണിയുയര്‍ത്തുന്നതായും നാട്ടുകാര്‍ പരാതിപ്പെട്ടു.