കൊട്ടിയം: വാക്‌സിനെടുക്കാന്‍ കുഞ്ഞുങ്ങളുമായെത്തിയവരെ പി.എച്ച് .സി വരാന്തയില്‍ പിടിച്ചിരുത്തിയ ശേഷം മരുന്നില്ലെന്ന് പറഞ്ഞ് തിരിച്ചയച്ചതായി പരാതി.
ഇന്നലെ പെന്റാവലന്റ് വാക്‌സിനോടൊപ്പമുള്ള ഐ .പി .വി വാക്‌സിന്‍ എടുക്കാന്‍ തൃക്കോവില്‍വട്ടത്തെ കണ്ണനല്ലൂര്‍ പാലമുക്കില്‍ പ്രവര്‍ത്തിക്കുന്ന പി.എച്ച്‌സിയില്‍ എത്തിയവരെയാണ് മണിക്കൂറുകള്‍ കാത്തിരുത്തിയ ശേഷം തിരികെ വിട്ടത്. പി.എച്ച്.സികളില്‍ സാധാരണ എല്ലാ ബുധനാഴ്ചകളിലുമാണ് വാക്‌സിന്‍ എടുക്കുന്നത്. അടുത്ത ബുധനാഴ്ച വരാന്‍ പറഞ്ഞാണ് ഇവരെ പറഞ്ഞയച്ചത്. മുപ്പതോളം പേരാണ് ഇന്നലെ വാക്‌സിനെടുക്കാനെത്തിയത്. തൃക്കോവില്‍വട്ടം പിഎച്ച്‌സി പല കാര്യങ്ങളിലും നിഷ്‌ക്രിയമാണെന്ന് ഇവിടെയത്തുന്നവര്‍ പറയുന്നു.