വാണിമേല്‍: സന്നദ്ധ സംഘടനയുടെ സേവന പ്രവര്‍ത്തനത്തിന് പണം സ്വരൂപിക്കാന്‍ പണപ്പയറ്റ് നടത്തി. വാണിമേലില്‍ വടകര തണലിന്റെ വിഭവ സമാഹരണത്തിനായാണ് പണപ്പയറ്റ് സംഘടിപ്പിച്ചത്. ഇതിലൂടെ സമാഹരിച്ചത് പത്തു ലക്ഷം രൂപ.
സാമ്പത്തിക പ്രയാസമുള്ളവര്‍ക്ക് പണം കണ്ടെത്താനുള്ള ഉപാധിയായി വര്‍ഷങ്ങളായി നടന്നു വരുന്നതാണ് പണപ്പയറ്റ്. വ്യക്തികളുടെ ആവശ്യം നിറവേറ്റാനായി മറ്റുള്ളവരുടെ സഹകരണത്തോടെ പണം സ്വരൂപിക്കുന്ന പണപ്പയറ്റ് പലിശരഹിത സാമ്പത്തിക സഹായം എന്ന നിലയില്‍ വടകര ത്താലുക്കില്‍ ഇന്നും സജീവമാണ്. പണപ്പയറ്റിന് ആളുകളെ മുന്‍കൂട്ടി കത്തു നല്‍കി ക്ഷണിച്ചാണ് തണലിനു വേണ്ടി പയറ്റ് സംഘടിപ്പിച്ചത്. കഴിഞ്ഞ ദിവസം വാണിമേലിലെ ആലി ഹസ്സന്‍ ഹാജിയുടെ വീട്ടിലായിരുന്നു പയറ്റ് സംഘടിപ്പിച്ചത്. തണല്‍ ചെയര്‍മാന്‍ ഡോ. ഇദ്‌രീസ്, അബ്ദുല്‍ കരീം ദാരിമി സംസാരിച്ചു. തണല്‍ വിഭവ സമാഹരണത്തിന്റ ഭാഗമായി ശിഫ  ബ്രദേഴ്‌സ് പാലിയേറ്റീവിന്റെ നേതൃത്വത്തിലായിരുന്നു പണപ്പയറ്റ്.