പേരാമ്പ്ര: കൈപ്രത്ത് വീടിനും മാര്‍ക്കറ്റ് പരിസരത്തെ കടയ്ക്കും തീപിടിച്ചു. പത്തുലക്ഷത്തോളം രൂപയുടെ നഷ്ടം കണക്കാക്കുന്നു. കൈപ്രത്ത് കുന്ദമംഗലത്ത് സുരേഷിന്റെ വീട്ടിലെ ഗ്യാസ് സിലിണ്ടര്‍ പൊട്ടിത്തെറിച്ചാണ് തീപിടിച്ചത്. വീട് പൂര്‍ണമായും കത്തിനശിച്ചിട്ടുണ്ട്.
പേരാമ്പ്ര മാര്‍ക്കറ്റ് പരിസരത്തെ ഐഡിയല്‍ ട്രേഡിങ് കമ്പനിയുടെ സൂപ്പര്‍മാര്‍ക്കറ്റിനാണ് ഇന്നലെ തീപിടിച്ചത്. വൈദ്യുതി ഷോര്‍ട്ട് സര്‍ക്യൂട്ടാണ് കാരണമെന്ന് സംശയിക്കുന്നു. കടയില്‍ സൂക്ഷിച്ച ഭക്ഷ്യവസ്തുക്കള്‍ കത്തിനശിച്ചു. രണ്ടു മുറികളിലായിട്ടാണ് സ്ഥാപനം പ്രവര്‍ത്തിച്ചിരുന്നത്.