പെരുമ്പിലാവ് : കടവല്ലൂര്‍ ഗ്രാമപഞ്ചായത്തില്‍ തൊഴിലുറപ്പ് പദ്ധതിയില്‍ ഉള്‍പ്പെടുത്തി കല്ലുംപ്പുറം വാര്‍ഡില്‍ നിര്‍മിച്ച കാര്‍ഷിക ജലസംഭരണിയുടെ ഉദ്ഘാടനം കടവല്ലൂര്‍ ഗ്രാമപഞ്ചായത്ത് പ്രസിഡന്റ് യു.പി ശോഭന കാര്‍ഷിക ജലസംഭരണിയുടെ ഉദ്ഘാടനം നിര്‍വഹിച്ചു.
ചടങ്ങില്‍ വൈസ് പ്രസിഡന്റ് കെ.ഇ സുധീര്‍ അധ്യക്ഷനായി. സംസ്ഥാന സര്‍ക്കാരിന്റെ രണ്ടാം വാര്‍ഷികത്തിന്റെ ഭാഗമായി ഹരിതകേരളം പദ്ധതിയില്‍ ഉള്‍പ്പെടുത്തി മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലാണു കല്ലുംപ്പുറത്ത് കാര്‍ഷിക ജലസംഭരണി നിര്‍മിച്ചത്.
പ്രസ്തുത ചടങ്ങില്‍ നിര്‍മാണത്തില്‍ പങ്കാളികളായ തൊഴിലുറപ്പ് തൊഴിലാളികളില്‍ 70 വയസിനു മുകളില്‍ പ്രായമായവരെ ഗ്രാമപഞ്ചായത്ത് പ്രസിഡന്റ് യു.പി ശോഭന മൊമ്മന്റോ നല്‍കി ആദരിച്ചു.
പഞ്ചായത്ത് സ്ഥിരം സമിതി അധ്യക്ഷരായ ടി.എസ് സജിത, അഷ്‌റഫ്, സെക്രട്ടറി കെ. മനോജ്, ചൊവ്വന്നൂര് ബ്ലോക്ക് ജോ ബി.ഡി.ഓ കെ.വി രാമചന്ദ്രന്‍, വാര്‍ഡ് മെമ്പര്‍മാരായ മേരി ജിജി ഷിജു, രാജേഷ്, ഇ.സി ഗിരിജ, അസി.സെക്രട്ടറി അനിത രാമന്‍ പങ്കെടുത്തു.