ഗസ്സ: ഇസ്‌റാഈല്‍ സേന നടത്തിയ ടാങ്ക് ഷെല്ലിങില്‍ മൂന്നു ഫലസ്തീനികള്‍ കൊല്ലപ്പെട്ടു. ഗസ്സ മുനമ്പിലാണ് സൈന്യത്തിന്റെ ആക്രമണം.

ഗസ്സ- ഇസ്‌റാഈല്‍ അതിര്‍ത്തിയില്‍ സ്‌ഫോടക വസ്തു കണ്ടെത്തിയെന്നും ഇതേത്തുടര്‍ന്ന് ജിഹാദീ സംഘടനയുടെ പോസ്റ്റിനു നേരെ ആക്രമണം നടത്തുകയായിരുന്നുവെന്നാണ് ഇസ്‌റാഈലിന്റെ വിശദീകരണം.

രണ്ടു പേര്‍ സംഭവസ്ഥലത്തും ഒരാള്‍ ആശുപത്രിയില്‍ എത്തിച്ച ശേഷവുമാണ് മരിച്ചത്.

കഴിഞ്ഞദിവസം ഹമാസിനെ ലക്ഷ്യമിട്ട് ഇസ്‌റാഈല്‍ വ്യോമാക്രമാണം നടത്തിയിരുന്നു. ഇതില്‍ ആളപായങ്ങളൊന്നും റിപ്പോര്‍ട്ട് ചെയ്തിരുന്നില്ല.

കഴിഞ്ഞ മാര്‍ച്ചില്‍ തുടങ്ങിയ ഗ്രേറ്റ് മാര്‍ച്ച് ഓഫ് റിട്ടേണ്‍ പ്രതിഷേധ പരിപാടിക്കു നേരെ ഇസ്‌റാഈല്‍ നടത്തിയ ആക്രമണത്തില്‍ 118 ഫലസ്തീനികള്‍ കൊല്ലപ്പെട്ടിരുന്നു.