ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവും മുന്‍രാഷ്ട്രപതിയുമായ പ്രണബ് മുഖര്‍ജി നാഗ്പൂരിലെ ആര്‍.എസ്.എസ് ആസ്ഥാനത്ത് നടക്കുന്ന സുപ്രധാനസമ്മേളനത്തിലെ മുഖ്യാതിഥി.
നാഗ്പൂരില്‍ നടന്നുവരുന്ന സംഘ് ശിക്ഷാ വര്‍ഗ് എന്ന ക്യാംപിന്റെ സമാപന സമ്മേളനത്തിലെ മുഖ്യാതിഥിയായാണ് പ്രണബിനെ ക്ഷണിച്ചിരിക്കുന്നത്. 20 ദിവസത്തിലേറെ നീണ്ടുനില്‍ക്കുന്ന പരിശീലന ക്യാംപ് അടുത്തമാസം ഏഴിനാണ് സമാപിക്കുക. പ്രണബിനെ ക്ഷണിച്ച റിപ്പോര്‍ട്ട് ആര്‍.എസ്.എസ് സ്ഥിരീകരിച്ചു.
ഇന്ദിരാഗാന്ധിയുടെ വലംകൈയായിരുന്ന പ്രണബ് 2012 മുതല്‍ 17വരെ രാഷ്ട്രപതിയായിരുന്നു. കോണ്‍ഗ്രസിന്റെ ഉന്നത നയരൂപീകരണ സംഘത്തിലെ പ്രധാനിയാണ് അദ്ദേഹം.