റിയാദ്: സഊദിയില്‍ തൊഴിലെടുക്കുന്ന വിദേശികളുടെ വേതനത്തില്‍ ഒരു വര്‍ഷത്തിനിടെ നാല് ശതമാനം വര്‍ധന. സഊദി ജനറല്‍ ഓര്‍ഗനൈസേഷന്‍ ഫോര്‍ സോഷ്യല്‍ ഇന്‍ഷുറന്‍സ് പുറത്തുവിട്ട കണക്കുകളിലാണ് ഇക്കാര്യം വ്യക്തമാക്കുന്നത്.
കഴിഞ്ഞ വര്‍ഷം ആദ്യ പാദത്തിലെ വിദേശികളുടെ ശരാശരി വേതനം 2553 ആയിരുന്നെങ്കില്‍ ഈ വര്‍ഷം 2642 ആയി ഉയര്‍ന്നതായാണ് കണക്കുകള്‍. അതേസമയം, സഊദിയുടെ ശരാശരി വേതനത്തിലും ഉയര്‍ച്ച രേഖപ്പെടുത്തിയിട്ടുണ്ട്. കഴിഞ്ഞ വര്‍ഷം ആദ്യ പാദത്തിലെ സഊദിയുടെ ശരാശരി വേതനം 5861 ആയിരുന്നപ്പോള്‍ ഈ വര്‍ഷം അത് 6810 ആയാണ് ഉയര്‍ന്നത്.
2018 ആദ്യ പാദത്തില്‍ സ്വദേശികളും വിദേശികളുമടക്കം രാജ്യത്തെ തൊഴില്‍ മേഖലയില്‍ ജീവനക്കാര്‍ക്ക് വേതനയിനത്തില്‍7749 കോടി റിയാലാണ് ചെലഴിച്ചത്.
ഇതില്‍ 3186 കോടി റിയാല്‍ സഊദിയുടെ വേതനവും 4562 കോടി റിയാല്‍ വിദേശികളുടെ വേതനവുമാണ്.