പാലക്കാട്:ജൂനിയര്‍ ചേംബര്‍ ഇന്റര്‍ നാഷണല്‍ ഇന്ത്യയുടെ ഭാഗമായുള്ള പാലക്കാട് ചാപ്റ്റര്‍ എം.എ.പ്ലൈ എന്‍.ജി.ഒ. വി.എച്ച് റോഡ് റെയില്‍വേ ഓവര്‍ ബ്രിഡ്ജ് ശുചീകരിച്ചു. കഴിഞ്ഞ മഴയില്‍ വെള്ളക്കെട്ടുമൂലം മേല്‍പ്പാലത്തില്‍ ഗതാഗത തടസവും യാത്രക്കാര്‍ക്ക് ദുരിതവും നേരിട്ടിരുന്നു.
സേവന പ്രവര്‍ത്തകര്‍ക്ക് പിന്തുണയര്‍പ്പിച്ച് സഹായിക്കാന്‍ എത്തിയ പൊതു കിണറുകള്‍ ശുദ്ധീകരിച്ച് ശ്രദ്ധനേടിയ വേദഗുരു ഗിരിധറിന്റെ നീര്‍നിലയ് സംഘങ്ങളുടെ പങ്കാളിത്തം ശുചീകരണ പ്രവര്‍ത്തനങ്ങള്‍ക്ക് ആക്കംകൂട്ടി. സിറ്റിക്ലീന്‍ പദ്ധതിയുടെ ഭാഗമായാണ് ഈ മാതൃകാ പ്രവര്‍ത്തനത്തിന് തുടക്കം കുറിച്ചത്.
ശുചീകരണ പ്രവര്‍ത്തനങ്ങളുടെ ഉദ്ഘാടനം നഗരസഭാ അധ്യക്ഷ പ്രമീളാ ശശിധരന്‍ നിര്‍വ്വഹിച്ചു.
എം.എ.പ്ലൈ. എന്‍.ജി.ഒ ഫൗണ്ടര്‍ നിഖില്‍ കൊടിയത്തൂര്‍, പ്രൊജക്ട് ഡയറക്ടര്‍ സര്‍ഫ്രാസ്, ശ്രീനിവാസന്‍. എസ്. മണികണ്ഠന്‍ നായര്‍, രഞ്ജിത്ത്, കൃഷ്ണദാസ് നേതൃത്വം നല്‍കി. ശുചീകരണ പ്രവര്‍ത്തനങ്ങള്‍ തിങ്കളാഴ്ചയും തുടര്‍ന്നു.