പാലക്കാട്: എസ്.കെ.എസ്.എസ്.എഫ് ജില്ലാ സമ്മേളനത്തിന്റെ ഭാഗമായി ജില്ലാ കമ്മിറ്റി നിര്‍മിച്ച് നല്‍കുന്ന മദീന മന്‍സില്‍ ഭവനത്തിന്റെ ഫണ്ട് ശേഖരണം മാര്‍ച്ച് 31ന് വെള്ളിയാഴ്ച ജില്ലയിലെ മുഴുവന്‍ പള്ളികളിലും നടക്കുന്ന ഫണ്ട് ശേഖരണം വിജയിപ്പിക്കാന്‍ എല്ലാവരും രംഗത്തിറങ്ങണമെന്ന് സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയതങ്ങള്‍ അഭ്യര്‍ഥിച്ചു. സമസ്ത കോ-ഓര്‍ഡിനേഷന്‍ കമ്മിറ്റി കരിമ്പയില്‍ സംഘടിപ്പിച്ച സ്വീകരണ പൊതു സമ്മേളനത്തില്‍ ഉദ്ഘാടന പ്രഭാഷണം നടത്തുകയായിരുന്നു അദ്ദേഹം. എസ്.കെ.എസ്.എസ്.എഫ് മണ്ണാര്‍ക്കാട് നടത്തുന്ന ജില്ലാ സമ്മേളനം വിജയിപ്പിക്കാനും തങ്ങള്‍ ആഹ്വാനം ചെയ്തു.