ഒറ്റപ്പാലം: അനധികൃത വെട്ടുകല്ല് ക്വാറിയില്‍നിന്ന് ലോറി പിടികൂടി. കരിമ്പുഴ രണ്ടാം വില്ലേജിലെ വാക്കടപ്പുറം പ്രദേശത്തുള്ള അനധികൃത വെട്ടുകല്ല് ക്വാറിയില്‍ നിന്നാണ് ഇന്നലെ രാവിലെ വെട്ടുകല്ല് കയറ്റിയ ലോറി കസ്റ്റഡിയിലെടുത്തത്. റവന്യൂ അധികൃതര്‍ നടത്തിയ പരിശോധനയിലാണ് നടപടി.
പുഴ മണല്‍ കടത്ത്, അനധികൃത വെട്ടുകല്ല് കടത്ത് എന്നിവ വര്‍ധിച്ച സാഹചര്യത്തിലാണ് റവന്യു വകുപ്പ് പരിശോധന ശക്തമാക്കിയത്. ഡെപ്യൂട്ടി തഹസില്‍ദാര്‍ ഗോപാലിന്റെ നേതൃത്വത്തിലാണ് അനധികൃത ക്വാറിയില്‍നിന്ന് ലോറി പിടികൂടിയത്. എന്‍.കെ സുനിത, എം.കെ പ്രിയ ലത, യു.എസ് ഫാറൂഖ് എന്നിവരും സംഘത്തിലുണ്ടായിരുന്നു.