വടക്കാഞ്ചേരി: പനങ്ങാട്ടുകര സെന്ററിലുള്ള കുരിശ് പള്ളിയിലെ ഭണ്ഡാരം തകര്‍ത്ത് പണം കവര്‍ന്നു. വടക്കാഞ്ചേരി ഫൊറോന ദേവാലയത്തിനു കീഴിലുള്ളതാണ് കുരിശ് പള്ളി. പള്ളിയുടെ പ്രധാന വാതിലിന്റെ പൂട്ടു തകര്‍ത്തു അകത്തു കയറിയാണ് ഭണ്ഡാരത്തിന്റെ താഴ് തകര്‍ത്തത്. പെരുനാളിന് ശേഷം ഭണ്ഡാരം തുറന്നിട്ടില്ല. ഇന്നലെ തുറന്ന് എണ്ണാന്‍ തീരുമാനമെടുത്തിരുന്നു. ഇതിനിടയിലാണ് മോഷണം. വടക്കാഞ്ചേരി പൊലിസ് സ്ഥലത്തെത്തി അന്വേഷണം ആരംഭിച്ചു.