കല്‍പ്പറ്റ: സിവില്‍ സ്റ്റേഷനു സമീപം 2013 മുതല്‍ പ്രവര്‍ത്തിക്കുന്ന നീതിവേദിയുടെ കാര്യാലയം കാക്കവയല്‍ സുധിക്കവലയിലേക്ക് മാറ്റുന്നു. പുതിയ ഓഫിസിന്റെ ഉദ്ഘാടനം 30ന് രാവിലെ 10.30ന് ജില്ലാ പഞ്ചായത്ത് പ്രസിഡന്റ് ടി ഉഷാകുമാരി നിര്‍വഹിക്കും. മീനങ്ങാടി പഞ്ചായത്ത് പ്രസിഡന്റ് ബീന വിജയന്‍ മുഖ്യാതിഥിയായിരിക്കും. 'മാറ്റത്തിനായി ധീരരാകൂ' എന്ന വിഷയത്തില്‍ ശില്‍പശാല ഉണ്ടാകും. നീതിവേദി പ്രസിഡന്റ് അഡ്വ. മരിയ, വിജി, ലീല നടവയല്‍, മാക്കമ്മ പയ്യമ്പള്ളി, ചിത്ര നിലമ്പൂര്‍ തുടങ്ങിയവര്‍ പങ്കെടുക്കും.