അതിരമ്പുഴ: 2015-16 ലെ ചാന്‍സ്‌ലേഴ്‌സ് അവാര്‍ഡ് തുകയായി സംസ്ഥാന സര്‍ക്കാര്‍ അനുവദിച്ച അഞ്ചു കോടി രൂപ സര്‍വകലാശാലയില്‍ രാജ്യാന്തര അക്കാദമിക് കണ്‍വന്‍ഷന്‍ സെന്റര്‍ ആരംഭിക്കാന്‍ വിനിയോഗിക്കുമെന്ന് എം.ജി സര്‍വകലാശാലാ സിന്‍ഡിക്കേറ്റ് യോഗം തീരുമാനിച്ചു. നിര്‍ദിഷ്ട കണ്‍വന്‍ഷന്‍ സെന്ററില്‍ 1200 സീറ്റുകളുള്ള ഓഡിറ്റോറിയം, എക്‌സിബിഷന്‍ ഏരിയ, തിയേറ്റര്‍ സ്‌പേസ്, 192 സീറ്റുകള്‍ വീതം ഉള്ള രണ്ട് കോണ്‍ഫറന്‍സ് റൂമുകള്‍, 20 സീറ്റുകളുള്ള കഫറ്റേറിയ, ടെക്‌നിക്കല്‍ റൂമുകള്‍, ഗസ്റ്റ് റൂമുകള്‍ എന്നിവ ഉണ്ടാകും.  സര്‍വകലാശാലയിലെ ഗാന്ധിഭവനു സമീപമാവും കണ്‍വന്‍ഷന്‍ സെന്റര്‍ പണിയുന്നത്.
 കണ്‍വന്‍ഷന്‍ സെന്ററിന്റെ ശിലാസ്ഥാപനം നാളെ ഉച്ചക്ക്  12 മണിക്ക് സംസ്ഥാന ഗവര്‍ണറും സര്‍വകലാശാലാ ചാന്‍സിലറുമായ ജസ്റ്റീസ്. പി. സദാശിവം നിര്‍വഹിക്കും.