കൊട്ടിയൂര്‍: വൈശാഖ മഹോത്സവ വിപണി ലക്ഷ്യമിട്ട് നിര്‍മ്മിച്ച 10 ലിറ്റര്‍ ചാരായം വില്‍പനയ്ക്കായി കൊണ്ടുവരുന്നതിനിടെ പേരാവൂര്‍ എക്‌സൈസ് പിടികൂടി. എക്‌സൈസ് സംഘത്തെ കണ്ട് പ്രതി ചാരായമുപേക്ഷിച്ച് കടന്നുകളഞ്ഞു. എക്‌സൈസ് കമ്മീഷണറുടെ ഉത്തരമേഖല സ്‌ക്വാഡിനു ലഭിച്ച രഹസ്യവിവരത്തെ തുടര്‍ന്ന് പേരാവൂര്‍ എക്‌സൈസ് സംഘം നടത്തിയ റെയ്ഡിലാണ് ചാരായം പിടികൂടിയത്. കൊട്ടിയൂര്‍ ചുങ്കക്കുന്ന് പൊട്ടന്‍തോട്ടിലെ ആലുങ്കല്‍ വീട്ടില്‍ ജോസഫ് മകന്‍ ബിജു എന്നയാളാണ് ചാരായം കടത്തിക്കൊണ്ടു വരുമ്പോള്‍ എക്‌സൈസ് സംഘത്തെ കണ്ട് കടന്നുകളഞ്ഞത്.എക്‌സൈസ് പ്രിവന്റീവ് ഓഫിസര്‍ എം.പി സജീവന്റെ നേതൃത്വത്തില്‍ നടന്ന റെയ്ഡില്‍ പ്രിവന്റീവ് ഓഫീസര്‍ പി.സി.ഷാജി, സിവില്‍ എക്‌സൈസ് ഓഫീസര്‍മാരായ സി.പി.ഷാജി, പി.ശ്രീനാഥ്, ഷൈബി കുര്യന്‍, കെ.എ. മജീദ്, കെ.ശ്രീജിത്ത്, പി.എസ്.ശിവദാസന്‍ എന്നിവര്‍ പങ്കെടുത്തു.