കോഴിക്കോട്: ഖുര്‍ആന്‍ സ്റ്റഡി സെന്റര്‍ കേന്ദ്ര കമ്മിറ്റിയുടെ ആഭിമുഖ്യത്തില്‍ അരയിടത്തുപാലത്ത് സംഘടിപ്പിക്കുന്ന പതിനാലാമത് റമദാന്‍ പ്രഭാഷണ പരമ്പരയില്‍ സിംസാറുല്‍ ഹഖ് ഹുദവി നാളെ 'അമൂല്യ നിമിഷങ്ങള്‍ വിട പറയുമ്പോള്‍' വിഷയത്തില്‍ പ്രഭാഷണം നടത്തും .
രാവിലെ ഒന്‍പതിന് പരിപാടി പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ഇ.ടി മുഹമ്മദ് ബഷീര്‍ എം.പി മുഖ്യാതിഥിയായകും. 3, 4 തിയതികളില്‍ റഹ്മത്തുല്ലാഹ് ഖാസിമി മൂത്തേടം പ്രഭാഷണം നടത്തും. നാലിനു സമാപന സമ്മേളനം നടക്കും