മഞ്ചേരി: സംസ്ഥാനത്തിന്റെ വിവിധ ഭാഗങ്ങളിലുള്ള മുസ്‌ലിം ലീഗ് പ്രവര്‍ത്തകരുടെ കൂട്ടായ്മയായ യൂത്ത് ലീഗ് വോയ്‌സ് വാട്‌സ്ആപ് ഗ്രൂപ്പിന്റെ നേതൃത്തില്‍ മഞ്ചേരി സി.എച്ച് സെന്ററിലേക്ക് ആവശ്യമായ ഫര്‍ണിച്ചറുകളും അത്താഴ ഭക്ഷണത്തിനുള്ള തുകയും കൈമാറി.
പരിപാടിയുടെ ഭാഗമായി വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ ആദരിക്കലും ഇഫ്താര്‍ സംഗമവും നടന്നു. കഴിഞ്ഞ വര്‍ഷവും യൂത്ത് ലീഗ് വോയ്‌സിന് കീഴില്‍ സി.എച്ച് സെന്ററിലേക്ക് തുക കൈമാറിയിരുന്നു. ബൈത്തുറഹ്മ ഉള്‍പ്പെടെയുള്ള ജീവ കാരുണ്യ പ്രവര്‍ത്തനങ്ങളും കൂട്ടായ്മക്ക് കീഴില്‍ നടക്കുന്നുണ്ട്.
ഇഫ്താര്‍ സംഗമം യൂത്ത് ലീഗ് സംസ്ഥാന സെക്രട്ടറി അന്‍വര്‍ സാദത്തും അവാര്‍ഡ് ദാന ചടങ്ങ് അഡ്വ.എം.ഉമ്മര്‍ എം.എല്‍.എയും ഉദ്ഘാടനം ചെയ്തു. കൂട്ടായ്മ പ്രസിഡന്റ് കണ്ണിയന്‍ മുഹമ്മദലി അധ്യക്ഷനായി. മുസ്‌ലിം ലീഗ് ജില്ലാ ജന.സെക്രട്ടറി അഡ്വ.യു.എ ലത്തീഫ് ഫര്‍ണിച്ചറുകള്‍ ഏറ്റുവാങ്ങി.
യൂത്ത് ലീഗ് ജില്ലാ പ്രസിഡന്റ് അന്‍വര്‍ മുള്ളമ്പാറ മുഖ്യപ്രഭാഷണം നടത്തി. ബഷീര്‍ മമ്പുറം, ഹനീഫ ചാവക്കാട്, ആലങ്ങാടന്‍ മുഹമ്മദ്, കെ.കെ.ബി മുഹമ്മദലി, സലീം പട്ടര്‍ക്കുളം, ഇഖ്ബാല്‍ മഞ്ചേരി, ജംഷി മക്കരപ്പറമ്പ്, ഇസ്ഹാഖ് മീനാര്‍കുഴി, കരീം പാണ്ടിക്കാട്, സത്താര്‍ മുണ്ടക്കോട്, സമദ് മുണ്ടുപറമ്പ് തുടങ്ങിയവര്‍ സംബന്ധിച്ചു.