തേഞ്ഞിപ്പലം: വോട്ടുചോദിച്ച് പോയ പാര്‍ട്ടിപ്രവര്‍ത്തകര്‍ക്ക് വയര്‍ നിറയെ കൊടുത്ത് വീട്ടമ്മമാര്‍.
 കുടിവെള്ളം നല്‍കാതെ വോട്ടുതരില്ല എന്ന മട്ടിലാണ് തേഞ്ഞിപ്പലം പതിനേഴാം വാര്‍ഡിലെ നൂറിലേറെ കുടുംബങ്ങള്‍.
രൂക്ഷമായ കുടിവെള്ള ക്ഷാമം നേരിടുന്ന ഇരുമ്പോത്തിങ്ങല്‍ പ്രദേശവാസികളാണ് വോട്ടുതേടിയെത്തിയവര്‍ക്കു മുന്നില്‍ തങ്ങളുടെ ആവശ്യങ്ങള്‍ നിരത്തിയത്. വോട്ടുചേദിച്ചു സ്‌ക്വാഡ് വര്‍ക്കിനുപോയ പാര്‍ട്ടി  പ്രവര്‍ത്തകര്‍ക്കാണ് കുടിവെള്ളവുമായി ബന്ധപ്പെട്ട സംസാരങ്ങള്‍ കേള്‍ക്കേണ്ടി വന്നത്.  
പ്രദേശത്തെ കുടിവെള്ള പ്രശ്‌നത്തിന് പരിഹാരം കാണുമെന്ന് കഴിഞ്ഞ പഞ്ചായത്ത് ഇലക്ഷനില്‍  ഇവിടുത്തുകാര്‍ക്ക് ഉറപ്പു നല്‍കിയതാണ്.  എന്നാല്‍ കഴിഞ്ഞ പഞ്ചായത്ത് തെരഞ്ഞെടുപ്പില്‍ നല്‍കിയ വാഗ്ദാനം ഇനിയും നടപ്പിലാക്കാന്‍ കഴിയാത്തതാണ് വോട്ടുചേദിച്ചെത്തിയവര്‍ക്ക് തിരിച്ചടിയായത്.
കുടിവെള്ളം നല്‍കിയില്ലെങ്കില്‍ തെരഞ്ഞെടുപ്പ് ബഹിഷ്‌ക്കരിക്കുമെന്നാണ് ഇരുമ്പോത്തിങ്ങല്‍ ഭാഗത്തുള്ളവര്‍ പറയുന്നത്.