ചങ്ങരംകുളം: ഗുരുവായൂര്‍ ചാവക്കാട് ഭാഗങ്ങളില്‍ നിന്ന് നിരവധി കവര്‍ച്ച നടത്തിയ സംഘത്തെ ചാവക്കാട് പൊലിസ് ചങ്ങരംകുളത്ത് എത്തിച്ചു തെളിവെടുത്തു. ചിയ്യാനൂര്‍ പാടത്ത് താമസിക്കുന്ന നാടോടി സംഘത്തില്‍ പെട്ട ഒരാളുമായി ചങ്ങരംകുളത്തെ വിവിധ ജ്വല്ലറികളില്‍ എത്തിയാണ് അന്വേഷണ സംഘം  പരിശോധന നടത്തിയത്.
വിവിധ ഭാഗങ്ങളില്‍ വിവിധ രീതിയില്‍  കവര്‍ച്ച നടത്തിയ സ്വര്‍ണം  ചങ്ങരംകുളത്ത് താമസിക്കുന്ന മലയാളി മുഖേനയാണ് ചങ്ങരംകുളത്തെ വിവിധ ജ്വല്ലറികളിലായി ഇവര്‍ വിറ്റിരുന്നത്. ഉച്ചക്ക് തുടങ്ങിയ തെളിവെടുപ്പ് വൈകുന്നേരം വരെ നീണ്ടുനിന്നു. വില്‍പന നടത്തിയ സ്വര്‍ണങ്ങളും സിസിടിവി ദൃശ്യങ്ങള്‍ അടക്കമുള്ള നിരവധി തെളിവുകള്‍ ശേഖരിച്ചാണ് അന്വേഷണ സംഘം മടങ്ങിയത്.