കൊല്ലം: തെന്മലയില്‍ സി.പി.എം കോണ്‍ഗ്രസ് പ്രവര്‍ത്തകര്‍ തമ്മില്‍ സംഘര്‍ഷം.  പ്രണയിച്ചു വിവാഹം കഴിച്ചതിന് പെണ്‍കുട്ടിയുടെ ബന്ധുക്കള്‍ തട്ടികൊണ്ടുപോയി കൊലപ്പെടുത്തിയ കെവിന്റെ
മൃതദേഹം കരയ്‌ക്കെത്തിച്ചു വച്ചിരിക്കുന്നതിന് സമീപത്തായിരുന്നു സംഘര്‍ഷം.

ഉന്നത ഉദ്യോഗസ്ഥര്‍ സ്ഥലത്തെത്തിയ ശേഷം മാത്രം ഇന്‍ക്വസ്റ്റ് നടപടികള്‍ നടത്തിയാല്‍ മതിയെന്ന് കോണ്‍ഗ്രസ് നേരത്തെ പറഞ്ഞിരുന്നു.

എന്നാല്‍ ഇത് ആവശ്യമില്ലെന്നും പൊലിസിന്റെ നടപടികള്‍ തുടരാം എന്ന സി.പി.എം നിലപാടിനെത്തുടര്‍ന്ന് സംഘര്‍ഷമുണ്ടാവുകയായിരുന്നു.

തുടര്‍ന്ന് പൊലിസ് ഇടപെട്ട് സ്ഥിതി ശാന്തമാക്കുകയായിരുന്നു.

കെവിന്റെ ബന്ധുക്കള്‍ കോട്ടയത്ത് നിന്ന് തെന്മലയെത്തിയതിന് തൊട്ടുപിന്നാലെയായിരുന്നു സംഘര്‍ഷം.

മൃതദേഹം കണ്ടെത്തി മണിക്കൂറുകള്‍ക്ക് ശേഷവും ഇന്‍ക്വസ്റ്റ് തയ്യാറാക്കി മൃതദേഹം മെഡിക്കല്‍ കോളജാശുപത്രിയിലേക്ക് മാറ്റാത്തതിനെതിരെയും പ്രതിഷേധമുണ്ട്.

പ്രദേശത്തുണ്ടായ കനത്ത മഴയിലും മൃതദേഹം തോടിന്റെ കരയില്‍ കിടത്തിയിരിക്കുകയായിരുന്നു.