കൊളത്തൂര്‍:  വേനല്‍ കടുത്തിട്ടും കുന്തിപ്പുഴ വെങ്ങാട് കീഴ്മുറി കടവില്‍ നിന്നു അനധികൃതമായി മണല്‍ക്കടത്തിന്  വേണ്ടി ഉപയോഗിച്ചിരുന്ന മൂന്ന് തോണികള്‍ കൊളത്തൂര്‍ പൊലിസ് പിടികൂടി.
വരള്‍ച്ചക്ക് ആശ്വാസമായി നിര്‍മിച്ച ബണ്ടുകള്‍ രാത്രികാലങ്ങളില്‍ സാമൂഹ്യവിരുദ്ധര്‍ തകര്‍ക്കുന്നുണ്ടെന്ന രഹസ്യവിവരണത്തെത്തുടര്‍ന്ന് ഞായറാഴ്ച പുലര്‍ച്ച നടത്തിയ പരിശോധനയിലാണ് തോണികള്‍ പിടിച്ചെടുത്തത്.
തുടര്‍ന്ന് റവന്യൂ അധികൃതര്‍ക്ക് കൈമാറിയ തോണികള്‍ ജെ.സി.ബി ഉപയോഗിച്ച് നശിപ്പിച്ചു. കൊളത്തൂര്‍ എസ്.ഐ പി വിഷ്ണു, സി.പി.ഒമാരായ ബൈജു കുര്യാക്കോസ്, അബ്ദുല്‍ ജബ്ബാര്‍ എന്നിവരാണ് സംഘത്തിലുണ്ടായിരുന്നത്.