തിരുവനന്തപുരം: പൊതുവിദ്യാഭ്യാസ വകുപ്പിലെ അധ്യാപക തസ്തികകള്‍ക്ക് ഈ മാസം 27 മുതലുള്ള എല്ലാ വിജ്ഞാപനങ്ങള്‍ക്കും കെ-ടെറ്റ് യോഗ്യതകൂടി ഉള്‍പ്പെടുത്താന്‍ ഇന്നലെ നടന്ന പി.എസ്.സി യോഗം തീരുമാനിച്ചു. പി.എസ്.സിയുടെ വജ്രജൂബിലി ആഘോഷങ്ങളുടെ ഭാഗമായി ജൂലൈ മാസത്തില്‍ കൊല്ലം, എറണാകുളം, കോഴിക്കോട് എന്നിവിടങ്ങളില്‍ വച്ച് മേഖലാതല സെമിനാറുകള്‍ സംഘടിപ്പിക്കുന്നതിനും പി.എസ്.സി യുടെ ചരിത്ര രേഖ തയാറാക്കുന്നതിന് നടപടി സ്വീകരിക്കുവാനും തീരുമാനിച്ചു.