വടകര: കുറ്റ്യാടി മണ്ഡലം എസ്.വൈ.എസ് കമ്മിറ്റി പത്തിന് തിരുവളളൂര്‍ എ.സി അബ്ദുല്ലഹാജി നഗറില്‍ സംഘടിപ്പിക്കുന്ന ആദര്‍ശ സമ്മേളനത്തിന്റെ വിജയത്തിനു വേണ്ടി മണിയൂര്‍, തിരുവളളൂര്‍ പഞ്ചായത്ത് എസ്.വൈ.എസ് കമ്മിറ്റി സംയുക്തമായി നടത്തുന്ന സാരഥി സംഗമം ഇന്ന് വൈകിട്ട് നാലിന് തോടന്നൂര്‍ മദ്‌റസയില്‍ നടക്കും. അശ്‌റഫ് മൗലവി വാണിമേല്‍ മുഖ്യപ്രഭാഷണം നടത്തും. മഹല്ല്, മദ്‌റസ ഭാരവാഹികള്‍, ശാഖാ എസ്.വൈ.എസ്, എസ്.എം.എഫ്, എസ്.കെ.എസ്.എസ്.എഫ് പ്രവര്‍ത്തകര്‍ പങ്കെടുക്കും.
സമ്മേളനത്തോടനുബന്ധിച്ച് ഒന്‍പതിന് വിഖായ വളണ്ടിയര്‍മാരുടെ റൂട്ട് മാര്‍ച്ചും നടക്കും.  യോഗത്തില്‍ ചിറക്കല്‍ ഹമീദ് മുസ്‌ലിയാര്‍ അധ്യക്ഷനായി. കണ്ണോത്ത് സൂപ്പിഹാജി, എം.സി മൊയ്തു മാസ്റ്റര്‍, കട്ടിലേരി കുഞ്ഞബ്ദുള്ള, ചിങ്ങാണ്ടി മൊയ്തു മുസ്‌ലിയാര്‍, ഫസലുറഹ്മാന്‍ മാസ്റ്റര്‍, ചിങ്ങാണ്ടി അബൂബക്കര്‍ ഹാജി, നാസര്‍ മണിയൂര്‍, ടി.എ അബ്ദുള്ള, അസീസ് ഫൈസി തോടന്നൂര്‍, ഗഫൂര്‍ മാസ്റ്റര്‍, മമ്മി മൗലവി പളളിയത്ത്, എ.സി ഇഖ്ബാല്‍, പി.കെ മൊയ്തു, മുഹമ്മദ് തോടന്നൂര്‍, ടി.പി അഷ്‌കര്‍ സംബന്ധിച്ചു.