നന്തിബസാര്‍: വന്‍മുകം എളമ്പിലാട് എം.എല്‍.പി സ്‌കൂളിന് മേലടി ഉപജില്ലയിലെ ഈ വര്‍ഷത്തെ മികച്ച പി.ടി.എക്കുള്ള പുരസ്‌കാരം ലഭിച്ചു. പി.ടി.എയുടെ നേതൃത്വത്തില്‍ വിദ്യാലയത്തില്‍ നടപ്പാക്കിയ വിവിധ പ്രവര്‍ത്തനങ്ങള്‍ക്കാണ് അംഗീകാരം ലഭിച്ചത്. ഇരിങ്ങല്‍ സര്‍ഗാലയയില്‍ നടന്ന ചടങ്ങില്‍ വയലാര്‍ അവാര്‍ഡ് ജേതാവ് യു.കെ കുമാരനില്‍ നിന്ന്  മുന്‍ പി.ടി.എ പ്രസിഡന്റ് കെ.ഷെര്‍ളി, പ്രധാനാധ്യാപിക എന്‍.ടി.കെ സീനത്ത് എന്നിവര്‍ പുരസ്‌കാരം ഏറ്റുവാങ്ങി. 10,000 രൂപയും സര്‍ട്ടിഫിക്കറ്റും അടങ്ങുന്നതാണ് പുരസ്‌കാരം .
   ചടങ്ങില്‍ സജീവന്‍ കുഞ്ഞോത്ത് അധ്യക്ഷനായി. ഇ.എം പത്മിനി, ഇ.കെ മുഹമ്മദ് ബഷീര്‍, കെ.സത്യന്‍, ടി.കെ മുകുന്ദന്‍ സംസാരിച്ചു. കെ.സുരേഷ് ബാബു സ്വാഗതവും ടി.വേണുഗോപാല്‍ നന്ദിയും പറഞ്ഞു.