കോഴിക്കോട്: സ്‌പെഷല്‍  എംപ്ലോയീസ് മീറ്റിനോടനുബന്ധിച്ച് തെരുവോര ചിത്രരചന ജില്ലാ ലീഗല്‍ സര്‍വിസ് സെക്രട്ടറി ആര്‍.എല്‍ ബൈജു മാനാഞ്ചിറ സ്‌ക്വയറില്‍ ഉദ്ഘാടനം ചെയ്തു. ഇന്നും നാളെയും ടാഗോര്‍ സെന്റിനറി ഹാളില്‍ കേരളത്തിലെ മുതിര്‍ന്ന ബുദ്ധിപരമായ  വെല്ലുവിളികള്‍ നേരിടുന്നവരുടെ തൊഴില്‍ നൈപുണി മേളയോടനുബന്ധിച്ചാണ് തെരുവോര ചിത്രരചന സംഘടിപ്പിച്ചത്.
എസ്.ഐ.എം.സി പ്രിന്‍സിപ്പല്‍ ഡോ. എം.കെ ജയരാജ് അധ്യക്ഷനായി. പി. സിക്കന്തര്‍, പി.കെ.എം സിറാജ്, ടി. പ്രഭാകരന്‍, പി. മുഹമ്മദ്, കെ.പി ശിവദാസന്‍, സി. യൂസുഫ്  സംസാരിച്ചു. വിവിധ സ്‌പെഷല്‍ സ്‌കൂളുകളില്‍ നിന്നുള്ള കലാകാരന്മാര്‍ സംബന്ധിച്ചു.