മയാമി: കരിയറില്‍ ആയിരം മത്സരം പൂര്‍ത്തിയാക്കി റാഫേല്‍ നദാല്‍. മയാമി ഓപണില്‍ വെറ്ററന്‍ താരം ഫിലിപ്പ് കോള്‍ഷ്‌റൈബര്‍ക്കെതിരേയാണ് നദാല്‍ ആയിരം മത്സരമെന്ന നേട്ടം സ്വന്തമാക്കിയത്. മത്സരത്തില്‍ കോള്‍ഷ്‌റൈബറെ പരാജയപ്പെടുത്തി നാലാം റൗണ്ടില്‍ കടന്നാണ് നദാല്‍ നേനട്ടം ആഘോഷിച്ചത്.
ജര്‍മന്‍ താരത്തിെനതിരേ ആദ്യ സെറ്റ് ദയനീയമായി നഷ്ടമായ ശേഷമാണ് നദാല്‍ ജയം സ്വന്തമാക്കിയത്. സ്‌കോര്‍ 0-6, 6-2, 6-3. 2008ന് ശേഷം കരിയറില്‍ ആദ്യമായിട്ടാണ് ഒരു ഗെയിം പോയിന്റ് നേടാന്‍ സാധിക്കാതെ സെറ്റ് നദാലിന് നഷ്ടമായത്. എന്നാല്‍ പിന്നീടുള്ള രണ്ടു സെറ്റുകളില്‍ മികച്ച പ്രകടനം കാഴ്ച്ച വച്ച താരം മത്സരം സ്വന്തമാക്കുകയായിരുന്നു.