ഹോങ്കോങ്: ഷോപ്പിങ് മാളിലെ യന്ത്രഗോവണിയില്‍ നിന്ന് നിരവധി പേര്‍ക്ക് പരുക്കേറ്റ സംഭവത്തില്‍ രണ്ട് ടെക്‌നീഷ്യന്‍മാരെ അറസ്റ്റ് ചെയ്തു. ഹോങ്കോങ്ങിലെ ഏറ്റവും നീളം കൂടിയ യന്ത്രഗോവണിയാണ് അപകടത്തില്‍പ്പെട്ടത്. ഇരട്ടി വേഗത്തില്‍ എതിര്‍ദിശയിലേക്ക് പ്രവര്‍ത്തിച്ചതാണ് അപകടകാരണം.
ഗോവണിയില്‍ കയറിയവര്‍ തെറിച്ചുവീണു. ഒടിസ് എലിവേറ്റര്‍ കമ്പനിയിലെ ജീവനക്കാരാണ് അറസ്റ്റിലായത്. യന്ത്രഗോവണിയുമായി ബന്ധപ്പെട്ട് പ്രവര്‍ത്തിപ്പിച്ചവരെയാണ് അറസ്റ്റ് ചെയ്തത്. അന്വേഷണവുമായി കമ്പനിയും സഹകരിക്കുന്നുണ്ട്.