കാസര്‍കോട്: ഫോണ്‍, ചോദ്യപേപ്പര്‍, ബജറ്റ് ചോര്‍ച്ചകളിലൂടെ ഇടതുപക്ഷ സര്‍ക്കാര്‍ കളങ്കിതമായിരിക്കുകയാണെന്ന് എന്‍. എ നെല്ലിക്കുന്ന് എം.എല്‍.എ. കേരള അറബിക് ടീച്ചേഴ്‌സ് ഫെഡറേഷന്‍ ജില്ലാ കമ്മിറ്റി സംഘടിപ്പിച്ച യാത്രയയപ്പു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.  ജില്ലാ പ്രസിഡന്റ് ടി.പി ഹാരിസ് അധ്യക്ഷനായി. വിരമിക്കുന്ന അബ്ദുസലാം പുത്തൂര്‍, ഫസ് ലുദ്ദീന്‍ റാവുത്തര്‍, ഉണ്ണിച്ചേക്കു, സൈഫുദ്ദീന്‍ കുണിയ, അബ്ദുല്‍ റഹ്മാന്‍ മൊഗ്രാല്‍, സുബൈദ, ഖദീജ ആരിക്കാടി, സൈനബ എന്നിവര്‍ക്ക് സി.ടി അഹമ്മദലി ഉപഹാര സമര്‍പ്പണം നടത്തി. കെ.എ.ടി.എഫ് സംസ്ഥാന ജനറല്‍ സെക്രട്ടറി സി അബ്ദുല്‍ അസീസ് മാസ്റ്റര്‍, എം.കെ അലി, എം.എ മക്കാര്‍, പി മൂസക്കുട്ടി, മാഹി ചെര്‍ക്കള, സി.ടി സുബൈദ, ടി.കെ ബഷീര്‍, പൈക്ക മുഹമ്മദലി, നൗഫല്‍ ഹുദവി, റഷീദ് ബേക്കല്‍, സലാം ചെറുവത്തൂര്‍, വി.പി താജുദ്ദീന്‍, ഷൗക്കത്തലി ചിറ്റാരിക്കല്‍, ഇബ്രാഹിം, സലിം ബേക്കല്‍ സംസാരിച്ചു.