നീലേശ്വരം: ഉദ്ഘാടനം കഴിഞ്ഞു വര്‍ഷങ്ങളായിട്ടും ബങ്കളം കുടുംബക്ഷേമ ഉപകേന്ദ്രം അടഞ്ഞുതന്നെ. തെക്കന്‍ ബങ്കളത്തെ രാക്കണ്ടം കുടുംബക്ഷേമ ഉപകേന്ദ്രത്തിനാണ് ഈ ഗതി. 2014ലാണു കെട്ടിടം ഉദ്ഘാടനം ചെയ്തത്. അനുബന്ധ സൗകര്യങ്ങളും ഒരുക്കിയിരുന്നു. തുറന്നു പ്രവര്‍ത്തിക്കാത്തതു കൊണ്ടു കെട്ടിടം തന്നെ നശിച്ചുപോകുന്ന സ്ഥിതിയാണുള്ളത്.
പ്രദേശവാസികള്‍ ആരോഗ്യകാര്യങ്ങള്‍ക്കായി കിലോമീറ്ററുകള്‍ അകലെയുള്ള ആശുപത്രികളെയാണു ആശ്രയിക്കുന്നത്. കേന്ദ്രം ഉടന്‍ തുറന്നു പ്രവര്‍ത്തിപ്പിക്കണമെന്ന ആവശ്യവും ശക്തമാണ്.
ഇക്കാര്യങ്ങള്‍ ചൂണ്ടിക്കാട്ടി ധ്വനി പുരുഷ സ്വയംസഹായ സംഘത്തിന്റെ നേതൃത്വത്തില്‍ നാട്ടുകാര്‍ ആരോഗ്യവകുപ്പ് മന്ത്രിക്കു നിവേദനവും നല്‍കിയിട്ടുണ്ട്.